كل اللي محتاج تعرفه عن أنواع الحاويات البحرية للتصدير
في عالم التصدير، التفاصيل الصغيرة تصنع الفرق الكبير، وواحدة من أهم القرارات التى تهم المصدر هى أنواع الحاويات ونوع الحاوية المناسب لتصدير منتجاته.
الاختيار بين الحاويات مش مجرد خطوة لوجستية، وإنما قرار ممكن يحدد تكلفة شحنتك، مدى سلامة المنتجات، وسهولة استلام العميل للبضاعة في النهاية.
قبل ما تشحن.. اعرف إحتياجتاتك
أنواع الحاويات
كل منتج له ظروفه، وبالتالي ليست كل الحاويات تصلح لكل البضائع. سواء كنت بتصدّر ملابس، فواكه، أو حتى معدات ضخمة، لازم تعرف الفرق بين الأنواع علشان تختار الصح من البداية.
النوع الأول: الحاوية الجافة – حل عملي لأغلب الشحنات
أكتر نوع متعارف عليه في الشحن البحري، وبتكون متاحة بثلاثة مقاسات:
20 قدم – 40 قدم – و40 قدم “هاي كيوب” (اللي ارتفاعها أعلى شوية).
مثل هذه الحاويات مناسبة لأغلب أنواع البضائع العامة: كراتين، أجهزة إلكترونية، ملابس، مواد خام… يعني لو شُحنتك ما بتحتاجش تبريد أو ظروف خاصة، فالغالب النوع ده هيكون كفاية جدًا.
النوع التاني: الحاوية المبردة (ريفر)
هذا النوع عبارة عن ثلاجة متنقلة. درجة حرارتها بتكون تحت السيطرة طول الوقت، لضمان وصول المنتج بسلام وجودة مهما كانت المسافة.
وينصح بهذا النوع من الحاويات في المنتجات الزراعية، الأغذية، أو الأدوية التى تكون بحاجة إلى تبريد أو تجميد.
النوع التالت: الحاوية المفتوحة (أوبن توب)
عند تصديري معدات ثقيلة، آلات ضخمة، أو منتجات ارتفاعها مش طبيعي، هنا بييجي دور حاويات “أوبن توب” المفتوحة من الأعلى ويتم تحميلها باستخدام رافعات، وبالتالي مناسبة جدًا للشحنات اللي مش هتدخل في الحاويات العادية.
طيب.. أختار إزاي؟
القرار بيرجع لطبيعة منتجك، حجمه، طريقة تعبئته، وهل محتاج تبريد أو لأ.
الاختيار الغلط مش بس ممكن يزود عليك التكلفة، لكن كمان ممكن يعرّض المنتج للتلف أو التأخير.
أنواع الحاويات
شعبة النقل: موانئ مصر تستعد لاستقبال 40 مليون حاوية.. و”القطاع الخاص” كلمة السر
