أسرع وصفة لمخلل الخيار المقرمش.. جاهز في ساعة واحدة فقط!
نكهة المطاعم في بيتك من غير مجهود.. اكتشفي السر
ما فيش بيت مصري تقريبًا ما بيحبش المخلل، خصوصًا مخلل الخيار اللي دايمًا بياخد مكانه على السفرة جنب الأكلات السريعة والمحاشي والمشاوي. بس المشكلة؟ إنه غالبًا بياخد وقت طويل علشان “يتخلل” ويتظبط طعمه.
بس مؤخرًا، انتشر ترند جديد على السوشيال ميديا بيغير كل ده.. وصفة سريعة بتخلي الخيار يتحول لمخلل جاهز في ساعة واحدة بس، من غير مواد حافظة، وبطعم ما يقلش عن طعم المطاعم الكبيرة!
المكونات.. بسيطة وموجودة في كل بيت
علشان تعملي الوصفة دي، مش محتاجة حاجة غريبة، كل المطلوب:
-
كيلو خيار صغير الحجم (الخيار البلدي هو الأفضل علشان بيمتص التتبيلة بسرعة)
-
4 أكواب ماء مغلي
-
نصف كوب خل أبيض
-
3 ملاعق كبيرة ملح خشن
-
ملعقة صغيرة سكر (ده سر التوازن في الطعم)
-
5 فصوص ثوم مقطعة من النص
-
رشة شطة حمراء مجففة أو قرن فلفل حار (اختياري حسب ذوقك)
-
حفنة شبت طازج (أساسي للنكهة)
خطوة بخطوة.. مخلل الخيار جاهز ومقرمش
-
اغسلي الخيار كويس، وبعدها اعملي فيه شق طولي خفيف باستخدام السكين (ما تقطعيش الآخر، بس افتحيه علشان التتبيلة تدخل جوه بسرعة).
التجميع
-
في برطمان زجاجي نظيف، حطي في القاع: الشبت + الثوم + الفلفل.
-
رصي الخيار فوقهم بشكل مرتب.
التتبيلة
-
في وعاء، اخلطي الماء المغلي مع الخل والملح والسكر، وقلبيهم لحد ما يدوبوا كويس.
-
صبي الخليط ده على الخيار في البرطمان لحد ما يغطيه تمامًا.
الانتظار
-
اقفلي البرطمان بإحكام وسيبيه على الرخامة (درجة حرارة الغرفة) لمدة ساعة واحدة بس.
ويا سلام بقى لو قدمتيه جنب شاورما أو كشري أو حتى سندويتشات فلافل.. النتيجة؟ مخلل مقرمش وطعمه بيرفكت!
ملاحظات سريعة عن مخلل الخيار
-
لو حابة طعم أقوى، ممكن تسيبيه شوية زيادة قبل التقديم.
-
ممكن تحفظيه في التلاجة بعدها علشان يفضل محافظ على القرمشة والطعم.
-
الشبت والثوم بيدوا نكهة مميزة جدًا، ما تستغنيش عنهم.
ليه الوصفة دي ترند فعلًا؟
السر في إنك بتستخدمي ماء مغلي، وده بيساعد الخيار يمتص التتبيلة أسرع. كمان الشقوق الطولية بتسرّع عملية التخلل. ومع وجود الخل والسكر معًا؟ بتحصلي على توازن طعمي رائع بين الحموضة والملوحة.
بـ7 خطوات سهلة .. طريقة عمل مندي الدجاج في المنزل
