أعرف قبل ما تسحب.. رسوم السحب من ماكينات ATM في البنوك
استخدام ماكينات الصراف الآلي (ATM) بقى من الأمور اليومية لأي مواطن بيحتاج كاش في لحظة. لكن اللي ممكن يفرق معاك،رسوم السحب من ماكينات ATM ، فهناك الكثير لا يعرف رسوم السحب النقدي لو استخدمت ماكينة لبنك مختلف عن اللي فيه حسابك البنكي.
ببساطة، لو سحبت من ماكينة تابعة لنفس البنك اللي فيه حسابك، مفيش رسوم. لكن لو استخدمت ماكينة لبنك تاني، الرسوم بتختلف من بنك للتاني.
الحد الأقصى للسحب من ماكينات ATM
وفقًا لآخر بيان صادر عن البنك المركزي المصري، الحد الأقصى المسموح به للسحب اليومي من ماكينات الـATM لأي بطاقة هو 30 ألف جنيه مصري.
أما في حال السحب من داخل فروع البنك نفسه أو عبر القنوات الأخرى، فيبلغ الحد الأقصى اليومي لعمليات السحب 250 ألف جنيه مصري.
رسوم السحب النقدي من ماكينات الـATM في البنوك المصرية
قيمة رسوم السحب النقدي تختلف حسب البنك، ودي أحدث قائمة محدثة برسوم السحب عند استخدام ماكينة بنك مختلف:
-
البنك الأهلي المصري: 5 جنيهات
-
بنك مصر: 5 جنيهات
-
بنك القاهرة: 5 جنيهات
-
البنك التجاري الدولي CIB: 7 جنيهات
-
بنك التعمير والإسكان: 5 جنيهات
-
بنك أبوظبي الأول: 5 جنيهات
-
بنك كريدي أجريكول: 6 جنيهات
-
بنك الاستثمار العربي: 3 جنيهات
-
مصرف أبوظبي الإسلامي: 5 جنيهات
طب استخدم ماكينة بنكك.. ليه تدفع أكتر؟
علشان تتفادى الرسوم دي، ببساطة استخدم ماكينة تابعة لنفس البنك اللي فيه حسابك، أو فعّل التحويلات والمحافظ الإلكترونية اللي بتتيح سحب بدون رسوم أحيانًا.
ولو بتسحب بشكل متكرر من بنوك تانية، اعرف الرسوم دي كويس، لأنها ممكن تتجمع في نهاية الشهر وتعمل مبلغ مش قليل!
تعرف على رسوم السحب والاستعلام عن الرصيد من ماكينات ATM
