السيسي ينتقد غياب صناعة لبن الأطفال في مصر: “اتكلمت من 5 سنين ولسه مفيش مصنع”
دعوة حاسمة للمستثمرين والحكومة للإسراع بتنفيذ مشروعات الأمن الغذائي
خلال افتتاح المرحلة الأولى من “مستقبل مصر الصناعية، وجّه الرئيس عبدالفتاح السيسي انتقادًا واضحًا لغياب مصانع إنتاج لبن الأطفال في مصر، معبرًا عن استغرابه من استمرار الاعتماد على الاستيراد رغم مرور سنوات على طرح القضية.
وقال الرئيس خلال كلمته في افتتاح المرحلة الأولى من مدينة “مستقبل مصر الصناعية”:”معقول لحد دلوقتي الـ40 أو 45 مليون علبة لبن بودرة مفيش مصنع واحد ينتجهم؟!.. الكلام دا قولته من 4 أو 5 سنين”.
وأضاف موجهًا حديثه للفريق كامل الوزير وعدد من المسؤولين:”امسكوا في موضوع وخلصوه.. وبقول الكلام دا مش للحكومة بس، دا للمستثمرين والقطاع الخاص كمان”.
رسالة للمستثمرين: “حطوا إيديكم في إيد بعض”
وأكد الرئيس السيسي على أهمية التكامل بين الدولة والقطاع الخاص، قائلًا: لو عايزين تنقلوا بلدكم من وضع لوضع أفضل، لازم تصروا وتشتغلوا وتجتهدوا. النجاح مش بييجي بالساهل”.
ودعا إلى التعاون الجاد بين المستثمرين، الوزراء، والمسؤولين التنفيذيين لتحقيق خطوات عملية في مشروعات الأمن الغذائي.
الثروة الحيوانية والزراعية: رؤية جديدة للتحول
تحدث الرئيس عن ضرورة تطوير الثروة الحيوانية، مطالبًا بخطة لاستبدال الأبقار ضعيفة الإنتاج بسلالات أعلى إنتاجًا. وقال: “الأبقار اللي إنتاجها ضعيف لازم تتبدل بسلالات أحسن، علشان نقدر خلال 4 أو 5 سنين نحدث فرق كبير في الإنتاج المحلي للحوم والألبان”.
كما أشار إلى أهمية وضع برنامج يساعد الفلاح على تطوير رؤوس الماشية، بدلًا من الدعم النقدي فقط، مضيفًا: “بدل ما أدي فلوس كل شهر، أدي حاجة تغني الناس وتزود إنتاجهم”.
رسالة شاملة لكل أطراف الدولة
اختتم الرئيس السيسي حديثه بتوجيه رسالة شاملة: “احنا عايزين نستفيد كلنا، كمواطنين، ومزارعين، ورجال صناعة، وحكومة.. لازم نصر على تغيير الواقع”.
وأكد أن ما يُطرح ليس فقط خطة حكومية، بل دعوة للمجتمع بأكمله للمشاركة في تحقيق الاكتفاء الغذائي.
“الوزراء” يناقش إمكانية طرح أنواع من لبن الأطفال بأسعار مناسبة
وزير التموين يبحث مع المدير التنفيذي لجهاز “مستقبل مصر” مستقبل البورصة السلعية
وزير التموين يبحث آليات تنشيط البورصة السلعية مع رئيس الهيئة العامة للرقابة المالية
أخترنا لك .. نشاط مؤسسة رئاسة الجمهورية
