كامل الوزير: أعدنا فتح 4000 مصنع.. والسيسي بيتابع يوميًا

في تصريحات قوية كاشفة، أكد الفريق كامل الوزير، وزير النقل والصناعة، أن الرئيس عبدالفتاح السيسي يتابع بشكل يومي ملف المصانع المتوقفة، ويوجّه بتسهيل الإجراءات وتسريع وتيرة العمل، قائلًا:”الرئيس بيسألني كل يوم: فتحنا كام مصنع؟ إدينا كام رخصة؟ عندنا كام مصنع متعثر؟ قومنا منهم كام؟”

  67 ألف مصنع في مصر.. و11 ألف منهم كانوا واقفين!

الوزير أوضح، خلال لقائه مع الإعلامي أحمد موسى في برنامج على مسئوليتي، أن الوزارة بدأت منذ توليه ملف الصناعة بحصر شامل للمصانع، حيث تم رصد حوالي 67 ألف مصنع على مستوى الجمهورية.
لكن الرقم الصادم كان في عدد المصانع المتوقفة: 11 ألف مصنع، والسبب؟ مزيج من التعثر المالي، والإجراءات الإدارية، ومشاكل فنية.

الوزير قال إن الفترة من 3 يوليو 2024 وحتى 3 يوليو 2025 شهدت عودة 4000 مصنع للعمل، وهو رقم كبير يعكس التحرك الحكومي المكثف لإنقاذ الصناعة المحلية.
وفي آخر شهرين بس؟ 700 مصنع رجعوا يشتغلوا!

مش لوحدنا.. تعاون حكومي شامل لإعادة التشغيل

الخطة ماشيه بالتعاون بين وزارات الصناعة، وقطاع الأعمال، ومجموعة من الجهات الحكومية، وبمتابعة مباشرة من الرئيس.”كل يوم في متابعة، مش بس توجيه، ده فيه سؤال ومتابعة دقيقة.. والرئيس بيطالب دايمًا نشتغل أكتر وننتج أكتر”، بحسب ما قال الوزير.

 رسالة السيسي: الإنتاج هو الحل.. نشتغل 16 ساعة مش 8!

الوزير نقل جانبًا من توجيهات الرئيس بشكل صريح وبأسلوب قريب من الناس:”الرئيس دايمًا يقول نشتغل 16 ساعة بدل 8، ننتج 6 آلاف طن مواسير بدل 3 آلاف. كل ما أشتغل أكتر، كل ما أكسب أكتر”.

واختتم الوزير حديثه بتأكيد على أهمية هذا الدفع المعنوي المستمر من القيادة السياسية “كلام الرئيس بالنسبة لنا مش مجرد توجيه، ده دستور بنمشي عليه، ولازم ننفذه بحذافيره”.

كامل الوزير 

كامل الوزير يفتتح أحدث مصانع “مارس إيجيبت” للشوكولاتة